إيمان الحصري: "جريت سبع عمليات في 21 يوم"
الثلاثاء 07/ديسمبر/2021 - 06:32 م
حلت الإعلامية ايمان الحصري أمس ضيفة على برنامج "صاحبة السعادة" مع الإعلامية اسعاد يونس الذي يذاع على قناة "Dmc" بعد توقفة عن العمل لمدة ثمانية شهور بسبب خط طبي حدث لها أثناء قيامها بعملية في القولون.
ووجهت لها اسعاد يونس سؤال حول مرضها وحالتها الصحية لتعلق"الحياة اتشقلبت فجأة، حياتي كانت طبيعية وصحتي كانت كويسة بس شوية مشكلة مفروض كنت بعملها عملية، ودخلت على أني حعمل عملية بسيطة وحطلع يوم يومين بالكتير، بقيت 8 شهور"
وتابعت "المشكلة مش في العملية، المشكلة في الخطأ الطبي اللي حصل في العملية، والمشكلة مش في الخطأ الطبي علشان الخطأ والمضاعفات في العمليات يمكن يكون وارد، المشكلة في الطريقة الي تم التعامل فيها مع الكارثة اللي حصلت أو المهزلة"
وأضافت: "الدكاترة اللي تابعوا الحالة بعديها قالولي كانت مهزلة. كان ممكن لو كان تم اتخاذ إجراءات صح حتى مع هذا الخطأ الكبير، كان ممكن ما قعدتش الفترة دي في المستشفى، كان ممكن ما حصليش المضاعفات الكتيرة اللي حصلت بعد كده.. عملت سبع عمليات في 21 يوم، سبع مرات بنزل أوضة العمليات وباخد بنج كلي، وكل مرة الوضع بسوء أكتر فيتعملي عملية على أساس الوضع يتصلح.. كل الأخطاء هي اللي أدت ان أقعد الـ8 شهور دول"
ولفتت كذلك، إلى أن الخطأ الطبي حصل في الأمعاء والقولون، وأشارت: "كان في أخطاء بيترتب عليها أخطاء، التعامل مع الخطأ كان خطأ، ما ترتب عليه مجموعة من العمليات زي ما تكوني تنقذي حد، بدل ما بتنقذيه أخدتي إجراءات غلط فأنت بتدهوري في الحالة أكتر.. في فترة أنا ما كنتش حاسة بحاجة خالص، كنت ما بين السماء والأرض، لغاية في مرحلة من المراحل اتنقلت من المستشفى اللي كنت فيها، بعدين قعدت في المستشفى 3 شهور منهم تقريباً شهر في العناية المركزة"
وأكملت حديثها قائلة:" أنا عملت 7 عمليات في 21 يوم، وحصل تسمم في الدم بسبب المشاكل الكتيرة والأخطاء الكتيرة اللي حصلت في بداية المعدة، اللي أنا عرفته بعد كده ان لو كان الأسلوب أو التصرف الطبي صح ماكنش حصل ده".
واختتمت كلمها حول رحلة مالمرض بالجملة التي قالها الطبيب عندما خرج من العمليات، وقال لأخواتها "أنا خلصت كل حاجة معاها، فادعولها.. دي كلمة قاسية جداً".
