رامي صبري: أغاني المهرجانات فيها "وش" في الكلام والمزيكا
الثلاثاء 07/ديسمبر/2021 - 09:27 م
أشار الفنان رامي صبري أنه لا يسمع أغاني المهرجانات خلال حلقتة في برنامج الإذاعي مع الإعلامية سارة المنذر ووائل منصور الذي يذاع علي إذاعة إنرجي، "المهرجانات فيها وش في الكلام والمزيكا".
أضاف خلال اللقاء: كلام المهرجانات مفيهوش ترتيب، والكلام خارج بيتم غناؤه في أماكن فيها سك، لتجميع الفلوس، وأنا واحد خريج موسيقى، مقدرش أقول الكلام ده، وأنا غيرت جملة أثناء التلحين (الجمل سكرني) قولت أنا مقولش الكلام ده، لأن بيسمعني البنت المحجبة والأم في بيتها والراجل إللي بيصلي مينفعش أضايقهم".
أشار صبري أن كلام الراب غير مفهوم "لكن بيعجبني ويجز مبيقولش حاجة مفيدة (عاملي فزلوكا) يعني إية فمش هينفع نفهمه، لكن ويجز بيعمل مزيكا ممكن أسمعها رغم إنه مقلد من برة".
وعلق على أن المهرجانات تحقق النجاح في المشاهدة بسبب اعتمادها على الإثارة: "فأنا فضلت 8 أيام ترند أول على الوطن العربي والمركز 18 على العالم بأغنية (هموت من غيرها) ومنزلتش إلا بعد طرح مهرجان شيماء، وعن رأيه في قرار المنع: "أنا مش مع المنع وكلمت أستاذ هاني شاكر عدة مرات".
