ريهام سعيد لشيرين عبدالوهاب: أحييكي على قوتك

قالت ريهام فى رسالة لشيرين عبدالوهاب: "إنتي عملتي كده لأن عندك اكتئاب أو هو عمل كده مش فارقة لأنه كان إمبارح وعدى خلاص وكل جرح بيخلينا أقوي إللي وصللي قوتك كان ممكن تلبسي باروكه انتي طلعتي غنيتي وبره مصر وقدرتي تبتسمي حتى لو مش ابتسامه حقيقيه وقدرتي تغني وقدرتي تواجهي العالم كله لانك شرين عبدالوهاب وانتي اكتر واحده عارفه مين شيرين عبدالوهاب عشان كده كنت دائما أدافع عنك سيدتي أحييكي علي قوتك إللى هي كل جمالك وعلى فكره شكلك برضوا زي القمر. بحبك".

وقالت النجمة شيرين عبد الوهاب أن عودتها لطليقها حسام حبيب محتاجة معجزة من عند ربنا، مؤكدة أن فترة زواجها منه كانت أصعب فترة فى حياتها.

وقالت شيرين عبد الوهاب فى تصريحات مع الإعلامية نضال الأحمدية "أنا غيرت الوسط الفنى مش هو اللى غيرنى.. وانا مش عايزة واحد ابن أمه أنا عايزة راجل، مضيفه قائلة "كنت هجمد بويضاتى علشان أخلف بس هو رفض.. ولو بتحبونى اضحكوا عليا وقولولى ان فترة جوازى منه كانت حلوة".