مرتضى منصور لـ"هاني زادة": "متخلنيش أقول أنا شيلتك من القايمة ليه"
الثلاثاء 14/ديسمبر/2021 - 01:30 م
وجه مرتضى منصور، رئيس نادي الزمالك، تحذيراً إلى هاني زادة، قائلاً، "أنا بحذرك للمرة الأخيرة ، إبعد عن جروبات الأعضاء ، متخلنيش اقول انا شيلتك من القايمة لية… عندي كتير في النيابات لو قولته و كفاية بقي اللي انت عمال تعمله".
وأضاف مرتضى منصور في مقطع فيديو نشره اليوم عبر "يوتيوب"، "أنا مش حابب أجرحك، بس لو مسكتش هاضطر أتكلم، وباقولك للمرة الأخيرة بلاش جروبات الأعضاء.. ابعد بعيد عنها".
كما وجه مرتضى منصور، رئيس نادي الزمالك رسائل نارية للفرنسي باتريس كارتيرون، المدير الفني للفريق الكروي الأول بنادي الزمالك، واللجنة السابقة برئاسة حسين لبيب.
وقال مرتضى منصور، "بقول لكارتيرون احنا بنساندك، والرسالة اللي انت أرسلتها لشخص تشرح له كيفية رحيلك عن الزمالك، أنت غلطت وبعتهالي أنا، مش عايزين مشاكل مع كارتيرون، أنت هربت قبل كدا خلاص ماشي ..اتقي الله واشتغل بما يرضي ربنا".
وأـضاف، "كل الطيور المهاجرة اللي مشيت يشرفوني يوم الجمعة وهيتعملهم عقود وهيطلعوا من النادي لغاية ما يتفتح القيد وهيرجعوا تاني.. هؤلاء هم مستقبل النادي ولا يصح أن يتم طردهم مقابل أن يلعب أبناء من فعل ذلك، وكل القرارات اللي خدتها اللجنة هي والعدم سواء".
