"هددوه بالفصل".. القصة الكاملة لانتحار موظف داخل شركة بالتجمع الخامس (صور وفيديو)

واقعة مروعة شهدتها إحدى الشركات بحي التجمع الخامس، بعدما أقدم موظف بالشركة على إنهاء حياته قفزًا من الطابق الثالث؛ على خلفية ضغوطات تعرض لها من مديره في العمل؛ ليبدأ رواد مواقع التواصل الاجتماعي في المطالبة بمحاسبة الشركة باعتبارها سبب أساسي في انتحار الموظف. 

نشر شخص يدعى هيثم الصدفاوي، تفاصيل مروعة حول واقعة انتحار شاب من الطالبق الثالث داخل إحدى شركات الاتصالات الشهيرة بالتجمع الخامس.

وقال "الصدفاوي" عبر حسابه الشخصي بموقع "فيس بوك": "تفاصيل انتحار نور الدين، موظف شركة تيليبيرفومانس مصر.. نور تم استدعاؤه الاسبوع الماضي من طرف مديره وإبلاغه بخصم أربع أيام من مرتبه لأنه بيدخل الحمام كتير، وده لظروف نور الصحية.. واتكلم مع نور بطريقة مهينة جدا.. وكان في تعمد لإجبار نور علي الاستقاله من طرف مديره.. وللأسف نور كان مضطر يستحمل يقعد الفترة دي.. لأنه هيقبض البونص بتاعه في شهر فبراير اللي جاي.. لكن محمد باشا صمم يرفد نور قبل ما السنه تقفل.. ويحرمه من البونص".

وتابع هيثم: "نور كان عامل حسابه على المبلغ ده في سداد ديون عليه كتير.. وده اللي حصل بينهم.. وتم إبلاغ نور بقرار الرفد "اللي أنا متأكد أنه هيختفي من الورق دلوقتي علشان سمعة الشركة".. نور ماستحملش ونفسيته كانت منهارة.. ومش قادر يواجه مراته وأطفاله.. واسودت الدنيا في عنيه.. وقرر ينتحر بأنه رمي نفسه من الدور التالت في الشركه ومات".

واختتم "الصدفاوي" منشوره قائلًا: "دي التفاصيل اللي موظفين الشركة خايفين يتكلموا فيها أو ينشروها.. الأستاذ "محمد.س".. حضرتك كنت السبب المباشر في انتحار نور".