"جوزي عايزني أساير مديره في علاقة علشان الترقية".. ومبروك عطية: قلة أدب

وقال الدكتور مبروك عطية ردًا على السائلة: "متسمعيش كلام لا جوزك ولا أبوكي ولا مبروك عطية لو قالك سايريه، يسايره ملك الموت ويريحنا من شره، فساد وقلة أدب وقلة دين، مفروض كنتي تغيري الرقم أو تعملي بلوك، سكته خيبة واقطعها من البداية من غير ما أقول لزوجي".

وتابع مبروك عطية: "كان منتظر إن الزوج يغار، ومن غير المتوقع إن يقولك سايريه، ده ثقافته الدينية ضعيفة، ومعلوماته صفر، كلمة سايريه دي متباتيش في بيته ليلة واحدة، لكن حرصًا على إن فيه نونة اعملي بلوك وكملي في حياتك وماتسمعيش كلام جوزك لأنه لا طاعة لمخلوق في معصية الخالق".