الليثي عن ضربه بالقلم في أفلامه: كانت إفيه السبكي.. وبقيت نجم فمش هضرب تاني
الخميس 30/ديسمبر/2021 - 11:21 م
أكد المطرب الشعبي محمود الليثي، أن فكرة مشاهدات اليوتيوب ليست مقياس لنجاح المطربين، وعلق على نجاح أغنية شيماء قائلا: "مهرجان شيماء ظاهرة وهتعدي والأغنية مفيهاش ولا أي حاجة والاصوات الحلوة عندها مسئولية كبيرة أمام الناس ودخولهم البيوت مسئولية".
وأوضح المطرب محمود الليثي، خلال حوار ببرنامج "حبر سري" مع الاعلامية اسما ابراهيم، على قناة القاهرة والناس، أنهم يقومون بالغناء لكل الناس ولا يفرق معهم الترند، مضيفا: "احنا بنغني لكل الناس ومش بيفرق معايا الترند واول لما بدأنا الغناء مكنش فى حاجة اسمها يوتيوب وفى ناس بتشتري مشاهدات".
ورد عن ضربه بالقلم في الأفلام قائلا: "موضوع الضرب فى الافلام مش حقيقى، وكانت إفيه فى أفلام السبكي، والناس حبت الإفيهات بتاعتي وكانت بتجيب ضحك، ولما بقيت نجم مش هضرب تاني".
