"كان عايز يضربني".. فتاة تتعرض للتحرش أمام المارة بالعمرانية
الثلاثاء 04/يناير/2022 - 11:06 ص
روت فتاة تدعى إليزابيث عوض، تفاصيل تعرضها للتحرش والاعتداء اللفظي من قبل شخص بحي العمرانية؛ وسط كافة المارة بالشارع.
وقالت الفتاة عبر حسابها الشخصي بموقع التواصل الاجتماعي "فيس بوك": "النهاردة من ساعتين عند البنك الأهلي عند حي العمرانية كنت بسلم أوردر لبنوته وأنا والبنوتة واقفين على رصيف جمب البنك بالظبط راح لمسني واتحرش بيا بعدها علطول اتخضيت محستش بنفسي غير وأنا ضرباه علي قفاه عشان حسيت أني مش هرتاح غير لما اعمل كده".
وتابعت: "طبعاً هو اتخض مكانش متوقع أن ده يحصل من بنت والأكيد أنه عمل كده مع بنت تاني وطبعا شتمني لما لاقيني عملت كده وأنا برضوا مسكتلوش وكمان كان عايز يضربني بس مقدرش بس أنا فضلت ماشية وراه بحاول أصوره لما لقاني بصوره راح شتمني وعمل حركة مش كويسه بايده".
وفي ختام كلامها طالبت الفتاة الأجهزة الأمنية بسرعة تحديد المتهم والقبض عليه لمعاقبته واتخاذ الإجراءات القانونية حياله جراء فعلته.
