عماد متعب: "اللي بيتكلم عن توجيه قرعة كأس الرابطة بني آدم جاهل"
الأربعاء 05/يناير/2022 - 12:31 ص
شن عماد متعب، نجم النادي الأهلي الأسبق، ونائب رئيس رابطة الأندية، هجوماً عنيفاً على المنتقدين لقرعة بطولة كأس الرابطة، واصفاً إياهم بـ"الجهلاء".
وقال عماد متعب في تصريحات تلفزيونية: "رسالة إلى الجهلاء، قرعة كأس الرابطة غير موجهة وتمت بناء على تصنيف الموسم الماضي، صنفنا الأندية التي على رأس كل مجموعة بناءً على تصنيف الموسم الماضي، وليست قرعة موجهة".
وأضاف، "فيه ناس بتهاجم لمجرد الهجوم وهي مش فاهم، أتمنى أنهم يسألوا ويفهموا عشان هيبقى شكلهم وحش، إحنا بنشتغل في وقت قصير جدًا ومعندناش أي موارد، كأس الرابطة ده مكانش موجود، عملناه ووفرنا على الأندية ومش هيدفعوا فلوس وهندفعلهم فلوس إيجار الملاعب ، قرعة الدوري مكانتش موجهة ليه؟ عملناها بشفافية والأهلي والزمالك لعبوا في الاسبوع الثالث، معندناش حاجة اسمها قرعة موجهة، انتقدنا زي ما انت عاوز بس انتقدنا بواقع وبعلم وبمعلومة وبحقائق مش انتقاد لمجرد إنك مش فاهم".
