تامر حسني يكشف كيف تحول من لاعب كرة قدم إلى مغني
السبت 08/يناير/2022 - 09:57 م
شارك الفنان تامر حسني فيديو له يشرح أكثر حلم كان يتمني أن يوصل له عبر صفحته الشخصية على موقع تبادل الصور والفيديوهات "انستجرام"، ليكون دافعاً للعديد من الشباب تبحث عن حلم لتحققه.
وإرفق الفنان تامر حسني تعليقاً يشرح فيه مدي تعلقه بكورة القدم قائلاً: "من وانا صغير تقريباً كنت بشوفه كل شهر بأشكال مختلفه وكنت بسأل نفسي طب يارب انا هتشهر بالشكله دا والناس هتحبني كدا في اي مجال عشان ساعتها كنت بلعب كوره بس كان عندي اصابات كتير بدري على سني ومشاكل مع بعض المدربين اللي مقتنع بيا واللي مش مقتنع بيا فا بيخليني احتياطي موسم كامل ودا شيء محبط لإني كنت مصنف لاعب مهاري كويس".
وتابع كلامه يكشف كيف ترك لعب كورة القدم وانتقل إلي حلم أخر لتحقيقة برعم من تعلقة الشديد باللعب: "الموضوع دا اتكرر معايا في الزمالك و الأهلي و الإتنين استغنوا عن خدماتي يعني زي ما تقولوا كدا في ظروف كانت بتتجمع عشان افهم ان الكوره مش مستقبلي رغم تعلقي بيها الجنوني بس اتاري ربنا كان كاتبلي مستقبل تاني و افضل ليا".
وتطرق خلال التعليق كيف أن ولدته كانت الدعم الأول في مشوارة الفني: "بس عرفت دا لما دورت جوه نفسي بجد بمساعدة او معجب ليا اول fan في حياتي والوحيد اللي كان مصدقني وهي امي يعني مهم اوي انك تدور جوه نفسك عشان لازم هتلاقي ربنا مخلقكش فاضي واتمنى من الأهل انهم يركزوا مع ولادهم في اصغر سن ليهم ويفضلوا دايماً يكلموهم عن الحلم والطموح والنجاح".
وأنهي رسالته مشيراً أن الغرض منها دعم الشباب قائلاً: "بكتب الكلام دا وواثق مليون في الميه ان فيكم حد محتاج يسمعه وكان مستنيه الإشاره جت اهي مالكش او ملكيش حجه".
