شريف إكرامي: احنا معندناش نقد في مصر عندنا تطبيل وسخرية وشتيمة
الأحد 09/يناير/2022 - 09:58 ص
أكد شريف إكرامي، حارس مرمى بيراميدز، أنه لم يتأثر كرويا برحيله عن الأهلي، مشيرا إلى أنه حين يدخل إلى أرض الملعب لا يرى سوى الفريق الخصم وزملائه.
وقال شريف إكرامي في تصريحات تلفزيونية، "ما اتأثرتش كروياً برحيلي عن الأهلي، أنا بنزل الملعب مبشوفش إلا زمايلي والفريق المنافس، السنة اللي فاتت كان عندي شعور غريب جدا لأني بلعب لأول مرة في حياتي قدام فريقي، ولما نزلت الملعب مكنش في خواطر لأني عايز بيراميدز يكسب وميدخلش فيا أجوال".
وأضاف "جملة لو اتشاطت عليا ثلاجة هتدخل بتضايقني؟ الناس اللي بتشيد عن حب على راسي من فوق وببادلهم بنفس الشعور، اللي بيسخروا معنديش مشكلة معاهم بس لما أقابلهم هبتسملهم وهمشي، لازم تتعامل مع الاتنين متخليش التطبيل والسخرية يوصل لقلبك".
وتابع حارس بيراميدز، "احنا معندناش نقد في مصر ، عندنا تطبيل وسخرية وشتيمة، عندنا تطرف في الناحيتين، أصعب فترة مرت عليا كان في هولندا، كان في عنصرية شوية من المدرب ولو كان عرف أنا جاي منين كان هيتفاجئ، الأهلي قد شعبية فينورد 10 مرات، هو شايفني جاي من دوري هواة مفيهوش احتراف".
