القصة الكاملة لخناقة أبناء شعبان عبد الرحيم وتهديد شقيقهم الأصغر بالقتل
الأربعاء 12/يناير/2022 - 04:31 م
عادت مرة أخري أزمة أبناء شعبان عبد الرحيم للظهور على الساحة، بعد أن شارك نجله مقطع فيديو يكشف محاولات شقيقته لقتله بسبب الميراث، وذلك بعد الخلاف الذى نشب بينهم منذ وفاة والدهم فى 2019.
-إتهامات متبادله بين إبنا شعبان عبد الرحيم:
بدأت الأزمة عند وجود عصام شعبان عبد الرحيم ببرنامج "الوسط الفني" عبر قناة "الحدث اليوم"، وتم إجراء مداخلة هاتفية مع عبد الرحيم شعبان عبد الرحيم الذي صرح فيها عن وجود خلاف قائم بينه وبين أشقائه موضحاً: "أنا روحت عشان أخد حقي من الورث وعصام أخويا وقف مراته وبناته الاتنين وحدفوني بالقزاز في الشارع وشتموني وقالولي كلام مينفعش يتقال، ده يرضي ربنا أو يرضي أبويا الله يرحمه؟ وأنا بتكلم في وجود عصام وقدام الناس كلها".
ليرد عصام شعبان عبد الرحيم عن تلك الإتهامات قائلاً: "هو جه شتم عند البيت ومبقتش عارف أعمل إيه وأجيب حق مراتي وبناتي إزاي، خليتهم هما يردوا عليه، وجالي جلطة اليوم ده، هو جابلي جلطة، جاب شومة وقال يا عصام يا ابن كذا كذا في الشارع، ده ينفع؟".
ليخرج شقيقهم الثالث عن صمته نفياً عن وجود إي من تلك الخلافات بين أبناء الراحل، عبر مداخلة هاتفية إجراها من خلال برنامج "تحت الشمس" عبر قناة "الشمس": "ده موضوع خاص، وأي بيت في العالم فيه مشاكل، وإحنا أخوات وحرين مع بعض، والمذيع اللي جاب أخواتي على الهواء وفتح الموضوع هو السبب، والمشكلة اتحلت وعبد الرحيم وعصام اتصالحوا من سنة، وإحنا أخوات ومش عايزين حد يتدخل ما بينا، وهندفن مع بعض إحنا الخمسة، والله يرحمك يا شعبان عبد الرحيم".
عدوية شعبان عبد الرحيم يكشف عن محاولة شقيقته لقتله:
وعقب ذلك شارك عدوية شعبان عبد الرحيم مقطع فيديو له يرد فيه على تلك المزاعم من خلال حسابه الرسمي على تطبيق الفيديوهات "تيك توك" قائلا ،" أولاً: "عايز أقول لكل الناس، الأخ اللي يمشي أخوه من البيت عشان خاطر الفلوس يبقى أصلا مش جدع".
ثانياً: "أنه قام بحذف أخية من على الهاتف: "أنا خلاص عملته بلوك من قلبي مش من التليفون بس، وأنا أخوك الصغير ومش راضي عن اللي حصل، وأنا مش عاوز فلوس خلاص".
تابع: "أقسم بالله لو الفلوس اللي هتيجي من حاجة أبويا 10 مليون جنيه، أنا مش عاوز منهم جنيه، اعملوا معروف إحنا مش فاضيين وعايزين نشوف شغلنا وبلاش قلق على الفاضي".
وصرح خلال الفيديو أن شقيقته حاولت قتله: " كان عليّ لأختي فلوس، بعتت لي ناس من قرايب جوزها على الطريق اتخانقوا معايا وزنقوا عليّا عشان ياخدوا مني فلوس أو العربية أو يقتلوني".
واختتم كلامه قائلاً: "أنا مسامح في حقي، لكن اللي عمل معايا أي حركة وحشة أنا خلاص شيلته من قلبي، وأنا بقول لكل الناس وأخواتي كل سنة وأنتوا طيبين".
ونشر مع الفيديو تعليق قال خلاله ،": "أنا مش عايز ورث من حد، ولا عايز حاجة أبدا غير الأدب والاحترام، بجد سيبوني أعيش في هدوء من غير مشاكل، لأن أنا في بدايات طريقي وأنا عايش بعيد عنكم محدش عارف عني حاجة أبوس إيديكم، سيبوني أقف على رجلي عشان أنا عندي 7عيال ولادي وأنا لوحدي دلوقتي، وأبويا مش جنبي عشان يشوف أخويا وهو بيمشيني من البيت".
