"فيديو صدمة".. سيدة بالوراق تستغيث: جوزى قطع لسانى ورأسى بالموس وربطنى بالجنازير.. وبنتى بقت تخاف منى وتقولى "شكلك مرعب".. مريم أيوب: أنا مرعوبة وعايزة حد يجبلى حقى
السبت 15/يناير/2022 - 02:52 م
قالت مريم أيوب السيدة التى قام زوجها بالتعدى عليها بالموس وتشويه وجهها وحلق شعرها بالوراق، إنها فوجئت يوم الواقعة أثناء اصطحابها لإبنتها للحضانة بقدوم زوجها فى التوك توك والتعدى عليها بالموس وحبسها فى منزل مجهول وربطها بالجنزير.
وتابعت فى بث مباشر مع " مصر تايمز" ،" أنا كنت عايزة أعيش حياتى وربنا شاهد على كل كلمة بس ماينفعش أعيش فى الرعب ده .. كان بيطلع الصينى من النيش ويضربنى بيه وقطع بوقى وراسى"، متابعه،" بنتى بقت تخاف منى وتقولى شكلك مرعب يا ماما".
وقالت " أنا مرعوبة وجوايا رعب كبير وعايزة حقى ومش عايزة غير بنتى وبس". مناشدة القومى للمرأة بالتدخل وإنقاذها.
وتابعت " كان بيكتف إيدى ورجلى بالخنزير ويحط رأسى تحت رجليه ويقعدنى على الارض ويخلى أمه تقف على باب الأوضة"، مضيفه ،" بنتى خدوها منى أنا مش عايزة غير بنتى وحد يحمينى منه".
