"ماتخفش ولا تقلق".. الباز لـ عمرو أديب: شماتة الإخوان "في الجزمة"

قال، خلال برنامجه "آخر النهار" المُذاع على قناة "النهار": "عمرو كان مخضوض ومفزوع من رد فعل الإخوان وشماتتهم في وفاة وائل الإبراشي، وبعض من يعومون على أمواجهم، وقال أديب وهو متأثر لو حصل له حاجة الناس متسيبوش الناس تنهش في لحمه".

تابع: "عاوز أقول لعمرو أديب اجمد لأن شماتة الإخوان في أي حد في صف الدولة المصرية في الجزمة، وشيء مفروض لا يفزعنا ولا يغضبنا لأن اللى مش واخد باله منه عمرو أن الاخوان بيمارسوا نوع من الإرهاب بالموت أو المرض وكأن اللي بيموت ده غضب من ربنا، الموت ده حق ودي سنة الحياة الناس بتمرض وتموت".

وواصل: "نحن حق وهم باطل، احنا انحزنا إلى الوطن وهم انحازوا إلى اعداء الوطن، دي ناس شردوا في الأرض جزاء خيانتهم تم طردهم وبيتسولوا في بلاد الدنيا وبياخدوا تمويل، ولو كان دعاءهم مستجاب كانوا يدعوا لنفسهم".

واختتم رسالته: "الموت قدر من ربنا ومحدش هيحمي حد، دي جماعة خاصمت كل معاني الإنسانية وكل معاني الأخلاق والأديان اللي ربنا نزلها والالتفات لهم أو الخوف منهم لا يصح".