أصالة: طلبات جوزي بالنسبة ليا أوامر وهو اللي طلب أقص شعري
الخميس 20/يناير/2022 - 10:45 م
روت أصالة نصرى عن تفاصيل زواجها من فائق حسن، قائلة: "احنا أصدقاء من اكتر من 15 سنة، ولكن كان بحدود الفن، ونتكلم في تفاصيل الشغل بس، ومكناش مقربين حتى، والتحويل اللى حصل ده كان في يوم واحد ومش عارفة مين سبق التانى بالشعور وبفكرة الزواج، ولكن احنا شبه بعض وهو قمر وأكتر من وسيم".
وعن قص شعرها والنيولوك الذى ظهرت به بعد زواجها قالت أصالة نصرى، " هو اللى طلب منى أقص شعرى وهو بالنسبة لى طلباته أوامر قصيته بنفس اليوم مش بكرة".
وتابعت أصالة خلال استضافتها ببرنامج معكم منى الشاذلى: " مفكرناش بأى حسابات وقلنا احنا الاتنين الدنيا هتتظبط علينا واننا اخدنا القرار بدون أى تفاصيل ولا حتى عارفين هنسكن فين بالسعودية ولا مصر وقلنا بعد كده الدنيا تتظبط، وأول شخص قلتله بالزواج هي ابنتى شام وهى العالم والحياة بالنسبة لى".
وأضافت اصالة: "أنا عيشت فترة في حياتى متعبة ولما بقيت كويسة حسيت انى عاوزة اتزوج هذا البنى ادم، وأنا عاطفية جدا وهو كمان عاطفى أكتر منى ولما صدقت لقيته واتفقنا على الزواج وتزوجنا تانى يوم".
