"تعالوا دربوا أنتم".. شوبير ينتقد حملات الهجوم على محمد صلاح والشناوي

وقال أحمد شوبير، في تصريحات تلفزيونية، "مش من حق أي حد يقلل من قيمة محمد صلاح أفضل لاعب في العالم، ومن يقول يجب على المدرب تغيير محمد صلاح أحب أقول له: أنت مالك.. بقى عندنا مستظرفين كتير دلوقتي".

وأضاف، "الناس اللي بتقول محمد صلاح مش بيلعب بشكل كويس داخل الملعب طيب لو محمد صلاح نجح في تأهل مصر أمام كوت ديفوار الناس دي هما اللي هيقولوا شوفوا مش قولنا يستمر في الملعب وميطلعش"، مطالباً من منتقدي محمد صلاح أن يتولوا هم تدريب المنتخب بدلا من البرتغالي كارلوس كيروش.

واستكمل، "كانوا بيتريقوا على الشناوي وبيقولوا دا جاله شوطة واحدة بس، الكاف دلوقتي اختار الشناوي أفضل حارس في دور المجموعات، أكيد أنت مقهور دلوقتي، اطلع احلف بالطلاق وقول مبيفهموش حاجة، هناك حملة من الحقد والكراهية".