أيمن يونس يهاجم كارتيرون واللاعبين: "تيشرت الزمالك كبير ولازم يتم احترامه"

وقال أيمن يونس في تصريحات تلفزيونية، "الزمالك استفاد جداً من كأس الرابطة، لأنه شاف اللاعيبة البدائل مش فاهمين قيمة التيشيرت وبيلعبوا عادي، عفواً الناشئين كانوا أولى بالماتشات دي، كارتيرون لازم يحترم الماتشات الودية ويعتبرها مفيدة بالنسبة له وكمان القيد مقفول ومضطر يلعب بيهم".

وأضاف، "كارتيرون حاول يبرر الهزيمة، وانتقد اللاعيبة هو بيتعامل معاهم في الموسم كله، مينفعش يخرج نفسه من الصورة ويقول اللاعيبة والروح والالتزام ده شغلك أنت جديد عليا يطلع ينتقد بشكل مباشر الزمالك هو الفريق الوحيد اللي مجابش ولا جول في البطولة"، متابعاً، "أنا لو في سني ده أنزل ألعب هموت نفسي، عيب لعيبة الزمالك اللي بتعمله ده، عيب ده نادي الزمالك، وبقول لمجلس الأدارة من حقك تعاقب اللاعبين، لتصحيح الطريق بس مندبحهمش نعاقبهم وبعدين نساندهم لاننا محتاجينهم، تيشرت الزمالك كبير ولازم يتم احترامه، عيب تنزل الملعب تخسر وتطلع فين الروح".