هجوم جديد على محمد حفظى وفيلم منى زكى: حرب جديدة على مصر
الجمعة 28/يناير/2022 - 02:33 م
هاجم المحامى أيمن محفوظ المنتج محمد حفظى وصناع فيلم منى زكى الجديد ،" أصحاب ولا أعز" ، مؤكدا أن رسالة الفيلم نوع من حروب الجيل الرابع والخامس وهدفه هدم المبادئ والقيم والأخلاق والأعراف، متابعا " هو مشهد منى زكى بتاع الملابس الداخلية عايزة تقول منه ايه ان الستات تقول وتكتب ان هى لابسة ملابسها الداخلية".
وتابع فى بث مباشر مع " مصر تايمز" ، "محمد حفظى وصناع الفيلم وشلة المنتفعين اللى بيأيدوا الفيلم بيدعوا لهدم القيم والعهر الفنى"، متابعا" محمد حفظى بيهدم القيم والأخلاق ويحرض ضد الدولة"، موجها رسالة لإلهام شاهين قائلا" هى عايزة تعمل دين جديد باسمها وتخلى الناس تأييد الفيلم وان الأب يقبل إن بنته تعمل علاقة".
وقال" دول حتى مش جايبين الشاب الشاذ شكله وحش بالعكس ده جايبينه شكله حلو علشان يخلى الناس تتعامل مع الموضوع عادى.. ومنصة نتفليكس استخباراتية وتحكمها أجهزة مخابرات عالمية".
