اتحاد الكرة عن فندق المنتخب: "كيروش قال لو شفته قبل ما نوصل كنت هختاره برضه"

وحول الجدل المثار عن عدم كفاءة فندق الاستضافة قال الدرندلي: "الفندق جميل جداً والمدير الفني بنفسه قال أنه لو رأى المكان قبل إختياره سيختاره أيضاً لأنه مكان مقفول علينا مفيش غيرنا فيه، وفيه سباحة وألعاب أخرى، وهو أمان بالنسبة لنا عشان محدش بيخش علينا، والامن محاصر المكان وبعيد عن إمكانيه دخول الجماهير، بالاضافة لوجود ساحات مفتوحة الدنيا كويسة جداً".

وحول جدل المكافات الاستثنائية قال، "المكافات دي مش بتاعة الفوز أو اللائحة الاخيرة حاجات تانية خالص المكافات دي  بعيد عن اللائحة واللائحة تتحدث عن أرقام تانية خالص دي مكافات إستثنائية، ومعرفش الامور كبرت ليه".

واصل، "دي حاجات استثنائية مالهاش علاقة باللائحة، ومش المبالغ دي اللي هتشتت اللاعبين، والرقم اترفع فعلا لـ1500 دولار ودي حاجة برا اللايحة".

وأوضح أن كيروش شخصيته قوية ومستواه كان مبهر أمام كوت ديفوار قائلاً: "لازم نديله حقه وده ظهر في الانسجام التفاهم في مباراة كوت ديفوار وإن شاء الله هنوصل للفاينال ونكسب".