"اتفقنا نبلغ عنهم".. شاهد يكشف كواليس قضية "رشوة وزارة الصحة"
الإثنين 31/يناير/2022 - 02:00 م
قال أحد الشهود في واقعة "رشوة وزارة الصحة"، أمام هيئة المحكمة: "بعد ما عرفت إن المتهم الأول عايز 5 مليون عشان يخلص تراخيص المستشفى.. عرضت الموضوع على شركائي وهما قالوا الكلام ده غير مقبول واتفقنا اننا هنبلغ عنهم.. ويوم 20 سبتمبر روحت الرقابة الادارية بلغت عنهم وطلبوا مني أساير المتهمين وإن هما هيشوفوا شغلهم.
وأضاف: "كنت بسلم على المتهم الأول وبشكره بحرارة ومبسوط عشان هيخلصلي موضوع تراخيص المستشفى.. الموضوع ده هيخلص بالبوس والأحضان؟ ده بيزنس.. ورفع إيده وفرد أصابعه الـ 10 وقالي صراحةً إن المتهم الأول طلب 10 مليون جنيه عشان يخلصلي تراخيص المستشفى"، مؤكدا أنه استنكر الرقم.
