"مشوفتهوش غير مرة".. شاهد يكشف علاقته بأحد المتهمين في قضية "رشوة وزارة الصحة"
الإثنين 31/يناير/2022 - 02:02 م
قال أحد الشهود في واقعة "رشوة وزارة الصحة": المتهم الثالث كان بيتردد على المستشفى عشان يعمل جلسات علاج طبيعي واتكلم معايا على تفاصيل تنفيذ الاتفاق وقال إن المتهم الأول عايز صورة من ملف المستشفى.. وأنا مشوفتش المتهم الأول خالص غير مرة واحدة وكلمته مرة تليفونيا.. واللي كان بيتعامل معايا هو المتهم الثالث".
وتابع: "لما كان هيتنفذ قرار غلق المستشفى بلغت المتهم الثالث إن المستشفى هتتقفل فطلب مني أديله دقيقة وأبعتله رقم الدكتورة اللي بتنفذ قرار غلق المستشفى.. وأنا كلمت المتهم الأول وقالي الدكتورة مبتردش أديها التليفون بتاعك أكلمها منه.. قلتلها في حد عايز يكلمك وخدت التليفون على مضض.. وهو عرفها بنفسه وهي قالتله أهلا يا فندم وقالتله خلي د. هشام يكلمني عشان أمشي.. واستمرت المكالمة دقيقة أو دقيقة ونص.. وهي قالتلي بعد كدة محدش كلمني لحد دلوقتي.. كلم اللي انت كلمته قبل كدة وأنا مش همشي غير لما د. هشام يكلمني".
