الشاهد الثاني بـ"رشوة الصحة": "المتهمين قالوا إنهم مسؤولين في الوزارة وخفنا يوقفولنا الدنيا"
الإثنين 31/يناير/2022 - 03:42 م
قال الشاهد الثاني في القضية المعروفة إعلاميًا بـ"رشوة الصحة"، أمام المحكمة: "إحنا واخدين قرض من البنك عشان نعمل المستشفى والبنك كان مدينا فترة سماح عشان نحاول نخلص التراخيص.. بس للأسف الموضوع كان واقف وحاولنا نسرع الإجراءات بس مكانش فيه فايدة".
وتابع: "وبالفعل أحد شركائي قعد مع المتهمين وبعد كدة كلمني في التليفون وقالي في شوية طلبات هقولك عليها.. ولما قابلني تاني يوم لقيناهم طالبين مبلغ يصل لـ 10 مليون جنيه.. أنا قلتله أنا معنديش فلوس أصلا وده غير مقبول.. وعرفنا إن اللي طلب الرشوة هو زوج الوزيرة".
وأضاف: "كلمنا باقي شركائنا ورفضوا مبدأ الرشوة واتفقنا نبلغ الرقابة الإدارية عن الموضوع ده لأنهم قالولنا أنهم دول ناس مسؤولين في الوزارة وممكن يوقفولنا الدنيا فاتفقنا نبلغ عنهم.. والوحيد اللي كان بيقابل شريكي هو المتهم الثالث".
