وزير التعليم عن ضرب معلمة منعت الغش: "الكارثة إن أولياء الأمور مش خايفين على ولادهم"
الجمعة 04/فبراير/2022 - 11:33 م
علق الدكتور طارق شوقى ، وزير التربية والتعليم على فيديو ضرب معلمة بالدقهلية لمنعها الغش أثناء الامتحانات قائلا ،" محتاجين نقف قدامه كتير وظاهرة الغش واسعة النطاق.. وللاسف اللى قام بالواقعة دى أولياء الأمور نفسهم".
وتابع فى مداخلة هاتفية مع الإعلامى عمرو أديب ببرنامج الحكاية ، " أن العام الماضى كان هناك 250 ألف طالب يحاولون الغش فى امتحانات الثانوية العام"، متابعا،" التعليم مش هينجح معاه أي تطوير إلا إذا كان هناك رغبة أساسية فى التعلم".
وقال" دول بيضوبوا المعلمة لأن فى عقله الباطن إن من حق ابنه إنه يغش من غير ما يتعب.. ليه علشان الصراع على نمرة دون أي استحقاق.. الأم اللى بتشترى بحث لإبنها من غير ما تحله".
وكانت لجنة امتحانات الإعدادية بمدرسة محمد الشقري بالسنبلاوين في الدقهلية قد شهدت واقعة ضرب المعلمة وداد حمدى لمنعها الغش فى لجان الامتحانات.
