ياسمين صبري تقدم نصائح لاختيار شريك الحياة.. وجمهورها: جبتي الخلاصة
الجمعة 11/فبراير/2022 - 10:53 ص
تصدرت الفنانة ياسمين صبري، قائمة الأكثر تداولا على مواقع التواصل الاجتماعي، وذلك بعد تقديمها عددا من النصائح في التنمية البشرية ومعايير اختيار شريك الحياة والأصدقاء وذلك أثناء مشاركتها في "سبيس" عبر "تويتر".
وأشاد الجمهور بجمال الطاقة الإيجابية، التي تبثها لهم، وأطلقوا هاشتاج "ياسمين صبري"، قائلين: "ياسمين صبري جابت الخلاصة لازم نبطل نسأل هما ليه عملوا كدا ؟ عشان الاجابة الوحيدة هي انهم اختاروا كدا .. ف بلاش نتعب نفسنا ونضيع طاقتنا وجهدنا في اسئلة ملهاش اجابات".
ومن النصائح التي قدمتها لجمهورها: "ثق في عقلك وفي حواسك لما تحس بحاجة لأن عقلك مش اذكى جهاز في جسمك الاذكى هو الشعور والاستشعار حاجة بتحسها اقوى من العقل وملهاش تفسير استفتي قلبك".
تابعت: "احذر اللي بيزرع فيك طاقة ويسيبك تحققها علشان تخدم فكرته بيخليك تركز في السلبيات اللي قالهالك وبعدها أنت تصدقها وتصرفاتك تختلف لخدم فكرته السلبية بيغيرك لانه هزك فأنت لا اراديا بتحقق فكرته السلبية".
وعن شريك الحياة قالت: "أن لم تجعلك العلاقة مع من تحب شخصا أفضل فأنت مع الشخص الخطا".
قالت: "دايما دور على اللي احسن منك علشان هيخليك احسن ودايما دور على المتطور علشان هيطورك ولما تختار اختار اللي يشدك لفوق، كما قامت بإعطاء بعض النصائح في مجال الطاقة والتنمية البشرية حيث قالت أن الطاقة شبه عدوى البرد ممكن تتنقلك على حسب طاقة الشخص اللي هتتعدي منه".
