وائل جسار: أغنية يوم زفافك كانت لـ"زوجتي"
الإثنين 14/فبراير/2022 - 12:24 ص
قال الفنان وائل جسار الواحد مايقدرش يكدب على نفسوا، لو ماعندي الاحساس الصادق مكنش بان في أغانيه، فكل ما يطلع من القلب بيوصل للقلب مباشرة، وانا الحمدلله صادق بما أقوم به، وانا قريب من الناس واي حاجة ممكن تبكيني، جاء ذلك خلال مداخلة هاتفية لبرنامج تريو الذي يذاع علي نغم اف ام والبرنامج من تقديم مها بهنسي .
و أضاف ان لما يكون فيه توافق بين طرفين فكل يوم عندهم عيد حب، وانا زيي زي كل الرجاله الشرقيين وماتخلقتش في قالب لوحدوا ولا نازل من السما، انا بزعل وبفرح وحس كل الاحاسيس.
وتابع: ممكن تصادفي ايام تزعلك في شغلك ولكن في النهايه، دايما انا بدور على الفرحه وعلى الحب والاحساس لان من غيرهم مقدرش اعيش ومقدرش اكمل.
ووجه نصيحة للمستمعين بمناسبة عيد الحب ان أكبر غلط الانسان انه وصل للحاجه اللي عايزها ( مراتي في بيتي ) ولما يصبح فيه اولاد خلاص اتركنت على جنب، ده اكبر مفهوم خاطيء في الزواج، مع ان علي العكس وجود الولاد بيزود الحب، لانها ان ولادي، و بقول لأي راجل حافظ علي زوجتك لانها هي اللي هتدوم.
و أكد انا راجل عصبي جدا وبثور في لحظه ومبحبش الأخطاء، و مراتي ذكيه جدا الحمدلله وبتستوعب غضبي بإسلوبها وبطريقتها بتخليني أرجع تاني زي ما أنا.
وخص راديو النيل بخبر حصري وهو ان أغنية يوم زفافك ( كانت لزوجتي ) لأنها كانت هتتجوز وانا خطبتها.
