مرتضى منصور يهاجم كارتيرون: "هو أنت ماسك عليا ذلة؟"

وجه مرتضى منصور، رئيس مجلس إدارة نادي الزمالك، رسالته للاعبي فريق الكرة بالنادي قبل مواجهة الوداد المغربي، ضمن منافسات الجولة الثالثة لدور المجموعات في بطولة دوري أبطال إفريقيا.

وقال مرتضى منصور، "أنا حاسس بجماهير الزمالك، بقول للاعيبة الزمالك موتوا نفسكم علشان خاطر الجمهور العظيم وعلشان قميص الزمالك الغالي".

وأضاف، "يا كارتيرون أنا لو عايز أمشيك همشيك من أول يوم أنا جيت فيه هو مين اللي جابك؟ هو لبيب ده يعرفك؟ ما أنا اللي جايبك وبقوله اتقي ربنا وهاتلي جنيه متأخر ليك، نادي الزمالك في عهد مرتضى منصور مبياكلش مليم على حد .. هو أنت ماسك عليا ذلة؟ اتقي ربنا في كل حاجة".

ويلعب الزمالك أمام الوداد البيضاوي المغربي السبت المقبل بمنافسات الجولة الثالثة من عمر مرحلة المجموعات لرابطة دوري أبطال أفريقيا، وكان الزمالك قد استهل مشواره في مجموعات دوري أبطال أفريقيا بالتعادل خلال أول جولتين أمام كل من بترو أتلتيكو وساجرادا الأنجوليين.