إيمان سيد:الإفصاح عن الإصابة بفيروس كورونا "واجب أخلاقي"

طالبت الفنانة إيمان سيد مصابى كورونا بالإفصاح عن إصابتهم للحد من إنتشار الفيروس ، مستنكره الأشخاص الذين يصابوا بالفيروس ويستكملون عملهم وكأن شيئا لم يكن .

وقالت إيمان سيد فى منشور لها على صفحتها الشخصية على الفيس بوك :"عارفة إن في شغلتنا دي لو حد تعب سواء كان تعب بسيط أو مزمن، مش بيرضى يقول خوفاً على شغله، ودا لما تعودنا عليه من إن اللي بيتعب بيقعد في بيتهم، وفيه ناس بتتعالج من أمراض صعبة بدون ما أي حد يعرف".

وتابعت:"وناس بتعلن عن تعبها بعدما يتم شفائها، ورغم كدا بيفضلوا الناس برضوا مترددين يستعينوا بيهم في شغل، ولكن لما نكون بنتكلم عن وباء إحنا هنا قدام واجب أخلاقي".

واستطردت:" إن الناس لازم يقولوا عشان يقفلوا دايرة العدوى ويحذروا كل المخالطين ودول بدورهم يتعزلوا، شكرا لكل الناس اللي بيعلنوا عن إصابتهم في كل مجال أو مكان، المرض مش عيب العيب انك تتسبب في انتشاره، وربنا يشفي الجميع".