حسام داغر في أزمة بسبب مسلسل "اللعبة 3": لو أعرف مكنتش دخلت التصوير
الثلاثاء 01/مارس/2022 - 07:02 م
قال الفنان حسام داغر، إن دوره في مسلسل "اللعبة 3"، تم حذفه بسبب مشاكل إنتاجية، موضحًا أنه لم يعلم بذلك الأمر إلا بعد عرض العمل.
وأضاف "داغر" في منشور له عبر حسابه الرسمي بموقع التواصل الاجتماعي "فيس بوك"، الثلاثاء، أنه "بحب شيكو جدًا، وبحب كاست اللعبة كله بشكل عام، بس أنا مش مبسوط من دور رجب معاهم، الجزء ده بسبب أنه كان امتداد لدوره في الجزء الثاني، وافقت على الجزء الجديد، على كلام ووعد من المجموعة، أن دور رجب مكمل، بسبب النجاح إلى حققته الشخصية قبل كده، وأنا صدقت ودخلت تصوير على أساس ده".
وتابع: "وكان معانا عدد حلقات قليل، لكن لقيت النتيجة أن بسبب مشاكل إنتاجية الدور متشال، وتواصلت مع المؤلف وفريق الكتابة، وقلت لهم بالنص لو أعرف مكنتش دخلت تصوير من الأول، لكن أنا مش زعلان لأن الحمد لله الناس عارفة كويس مين حسام، وعارفين شغلي عامل إزاي قبل كده".
وأختمم: "وفي نفس الوقت أنا كنت متحمس، لما شيكو قالي أنت أحلى حاجة حصلت معايا في الجزء إلى فات، أنا حبيت بس أشاركم إلى حصل، خصوصًا أن دي أول مرة تحصل معايا.. لكن لسه الواحد بيتعلم، وهيفضل يتعلم".
