عمرو أديب يرد على منتقديه بعد حديثه عن البيض الأورجانيك
الثلاثاء 08/مارس/2022 - 11:58 ص
رد الإعلامي عمرو أديب على الانتقادات التي تعرض لها من بجانب بعض رواد مواقع السوشيال ميديا بسبب حديثه عن البيض الأورجانيك.
قال عمرو أديب عبر صفحته الرسمية بموقع "تويتر"، "فى نفس الحلقه ونفس الموضوع اتكلمت عن ازاي الناس تشتري الارخص وتختار المحلات اللي بتبيع الاساسيات الثابته من غير ذياده واتكلمت عن دور الدوله فى ضرب الاحتكارات وما كان موضوع البيض الاورجانيك الا انتقاد للناس اللي محبكاها قوي وتشتكى من اشياء تافهه. ثوانى والجزيره مصر سابت ساعه كلام".
وأضاف، "واشتغلت عالبيض والبسطرمه اجتزاء وترصد كالعاده اتعودت عليه، المهم الفيديوهات موجوده وياريت الناس تبطل ثقافه الهاشتاج وفى النهايه الرساله واحده الايام الايام اللى جايه صعبة".
وتابع، "واتكلمت عن قزازه الزيت بكام وعلبه اللبن حالها ايه والجبنه المثلثات نعمل معاها ايه والسمنه نتصرف معاها ازاي انما ثقافه التفاهه والترصد المستمر وطبعا انا خبير وقديم ومش مصدق انى بكتب بحكى والفيديوهات موجوده ولكن هذا عملى وهذا وطنى وهذا قدري".
وقال عمرو أديب، عبر برنامجه "الحكاية، مساء الاثنين، على قناة إم بي سي مصر: "بقالي يومين تلاتة بحاول أشوف الغلاء العالمي، العالم ده بيعمل إيه؟ هو مواطن زيه زيك عنده غلاء في الغاز. هناك الناس لأن معندهاش اعتمادية أوي على الدولة فاهمين أن السوق كده كده هيتحرك" .
وأضاف عمرو أديب: "ده مش وقت بيض أورجانيك، ماله البيض العادي، كله بالبسطرمة بيبقى حلو مش لازم تشتري المنتج الغالي ما دام الأرخص منه نفس الجودة".
