قبل دخول الحفل.. أمير عيد:"يجب ارتداء الكمامة وقياس درجة الحرارة"

وجه المطرب أمير عيد، رسالة لجمهوره قبل حفله المنتظر، حيث نشر على موقع التواصل الاجتماعي "فيس بوك" قائلا:" قبل قيام الحفل انهارده أحب أقول أن انا ممكن أكون غلطان ومقرأتش الأمور بالشكل السليم من الأول  خصوصا أن وقت الاتفاق عن الحفل كانت الظروف مختلفه والأمور مستقره أكثر من دلوقتي وبيتعمل حفلات".

وتابع أمير عيد:"أي حد عنده الحق يعترض علي إقامه حفل كايروكي مش هصادر رأيكم، الموضوع نسبي هناك من يؤيد استمرار الحياه مع الوقاية عشان الشغل والحال يمشي، وهناك من يؤيد العكس، قرار الإلغاء او التأجيل حاليا من أصعب ما يكون بعد بيع التذاكر في أول يوم نزلت فيه والمشكله الأكبر، أن في ناس أشترت تذاكر سوق سوده بأسعار كبيره ودول مش هيعرفوا يرجعوها أو ياخدوا فلوسهم تاني، وغير الناس الكتير اللي بتشتغل ورا الحفله والتعاقدات والخ الخ".

وأستطرد:" ده قرار مش هعرف أعمله لوحدي لأسباب كتير ومعقده مش هخوض فيها، كل اللي قادر أعمله إني انبه على الجميع وأكون أمين معاهم وإني أتابع بقدر المستطاع مع منظمي الحفل ضروره تنفيذ خطتهم  الوقائية الموضوعه".

وأستمر عيد:" قياس درجات الحراره للحضور قبل الدخول والتأكد من ارتداء الكمامه، وجود عدد كبير من المراقبين داخل الحفل للتأكد من أن كل حد بيتبع الإجرائات الوقائيه، قيام الحفل في مكان كبير مفتوح بيستوعب عدد كبير ولكن مع حضور عدد أقل من اللي المكان ممكن يستوعبه بحيث ميبقوش متقاربين".

وإنهي أمير عيد كلامه:"تمت مراجعه خطه الحفل مع الجهات المعنيه للتأكد من قيام كل شيء بشكل سليم ومظبوط، طبعا كل ده ملوش قيمه بدون التزامنا كلنا و كل شخص يكون مسئول عشان نفسه وعشان الناس اللي حواليه أنا بحاول أعمل كل اللي أقدرعليه في الوضع الحالي اللي لقيت نفسي فيه وبحاول أكون أمين معاكم في نقل الصوره ويهمني سلامتكم أكتر من أي حاجه تانيه، وبعتذر لو كنت أسأت التقدير".