مرتضى منصور يتراجع عن الاستقالة.. ويؤكد: الدولة قالتلي هتاخد حقك من الصغير والكبير

أعلن رئيس نادي الزمالك مرتضى منصور، صباح اليوم الخميس،تراجعه عن تقديم استقالته من رئاسة القلعة البيضاء، كما شدد مرتضى منصور رئيس مجلس إدارة نادي الزمالك خلال تصريحاته الرسمية على صفحته الرسمية، على أنه ومجلسه لن يتقدموا باستقالتهم احتراما للدولة المصرية. 

وأضاف، "بشكر أعضاء مجلس إدارة الزمالك اللي كانوا عايزين يقدموا استقالة جماعية تضامناً معايا، بس الدولة قالتلي هتاخد حقك من الصغير والكبير، احنا هناخد حقنا ومفيش حد فوق القانون في البلد".

وتابع، "بشكر أعضاء مجلس الإدارة والدولة والجماهير وأعضاء الجمعية العمومية اللي كلموني، ومن يوم السبت هكون في النادي أكمل الثورة الرياضية".

وفي وقت سابق، قال مرتضى منصور في تصريحات تلفزيونية، "المناخ اللي أنا فيه مش هينفع أكمل، مش هينفع أصحى كل يوم أصحى الصبح ألاقي الخطيب رافع 18 قضية وممدوح عباس 17 وأحمد سليمان 26 وللأسف ده مش مناخ حد يشتغل فيه باحترام، حصل موقف مش هعديه ومحتاج وقفة الخطيب مش خط أحمر زي ما في مسؤول بيقول ولا أنا خط أحمر".