إلهام شاهين: بابا مش حر فيا .. ومعرفتش أقنعه بالتمثيل لحد ما مات

أجابت الفنانة إلهام شاهين، عن بعض الأسئلة بشكل سريع، في فقرة "ممكن أم لا ممكن"،  خلال حوارها مع الإعلامية بسمة وهبة مقدمة برنامج «العرافة»، على قناة المحور.    

وقالت: "مش ممكن أفكر في عمل برنامج ديني، لكني ممكن أكتب مذكراتي، وبالنسبة لتظاهرات المثليين، فأنا مش بحب أنزل مظاهرات، لكن المثليين حُرين في حياتهم وأنا مش ضدهم".   وأضافت: "ممكن ألبس بدلة رقص في عمل فني ليّ دلوقتي"، كما تطرقت إلى الساعات الأخيرة من عمر والدها، موضحةً أنه كان يرفض الأكل وكان متواجدا بالمستشفى، وأخبرتها الممرضات بأنه يرفض تناول الطعام.  

 وتابعت: "الممرضات منحوني طبق جيلي حتى أطعم والدي، لكنه شخص قوي جدا ولا يحب أن يجبره شخص على شيء، وكنت بحاول أفتح فمه بالعافية، وكان طبق الجيلي في ايدي، لبس الطبق في وشي".   

وأردفت: "مكناش أعداء، هو بيحبني وأنا بعشقه، وأنا زيه بالظبط، عكس ماما، وهي طيبة ومتسامحة، وأنا أكتر واحدة في إخواتي واخدة منه، والحاجة الوحيدة اللي كان معترض عليها في شخصيتي إني ممثلة، ولحد وقت في عمره ملحقتش أقنعه بالتمثيل، وكان دايما يقولي ده مش سكتك، كان عاوز يرسم لي حياتي، بابا مش حر فيّ، وكان بيزورنا دايما، ومطلقش ماما".‎