السوشيال ميديا تكتب نهاية مسلسل ريهام حجاج: وحش الكون علم عليكي بإعلان

وقالت إحدى المتابعات" تخيلي تعملى مسلسل وتكلفي وتيجى هى بإعلان تقلب الدنيا ومحدش يحس بمسلسلك"، وقال آخر" أنا مش ضد ريهام حجاج أنا ضد انها بتحط اسمها وصورتها بشكل مفكرانا إننا عمي".

وقالت متابعة آخرى" مافيش حد يقدر يشترى القبول أنا أشوف إعلان ياسمين عبد العزيز طول النهار ولا أشوف دقيقة من مسلسل ريها".

وكانت الفنانة نور الكاديكي، عن غضبها الشديد بعد حذف اسمها من تتر مسلسل "يوتيرن"، بطولة النجمة ريهام حجاج، والذي يعرض حاليا في السباق الرمضاني 2022.

واعترضت على سوء معاملة ريهام حجاج بطلة العمل لها أثناء التصوير وترك لوكيشن التصوير، وذكرت ذلك على حسابها الشخصي على موقع تبادل الصور والفيديوهات "انستجرام".

وكتبت نور الكاديكي:"انا جاية انهاردة اتكلم عن الظلم ال بيحصل في الوسط الفني والقرف ال بقنا فيه...بقيت كل حاجة ماشية بالكوسة لدرجة اني اتظلم ويتشال اسمي من المسلسل طب لية ؟؟؟ وعملت اية عشان يحصل كدة لية الواحد مياخودش حقة لية".

تابعت: "اية المرض ال بقي في الناس دة يجد انا مش مصدقة ومصدومة خلاص بقيت أي واحدة بطلة تطلع بفلوسها تفتري وتظلم الناس وتمسح اسميهم وتتحكم في كل حاجة كل دة لية وعشان اية انا مش حسكت وحتكلم كمان بدال الناس ال خايفة تتكلم وتقول إنه اتظلمت".

أضافت: "انا بطالب بحقي واظن الناس كلها عارفة الممثل بيتعب ازاي وبيقعد يصور بالساعات وبيعمل ال عليه واكتر عشان في الاخر يلاقي نتيجة مش عشان يلاقي اسمه ممسوح من المسلسل لا انا بطالب بحقي وبحق المجهود ال عملته وعايزاكو تحسو بيا وبي الظلم ال بقينا فية في الوسط الفني نور الكاديكي أطالب بحقي في عدم تنزيل اسمي في تتر المسلسل يوتيرن مش حسكت للظلم ودة حقي وتعب مجهودي عايزة حقي".

ورد المخرج سامح عبد العزيز، مخرج مسلسل "يوتيرن"، على الفنانة نور الكاديكي، والتى اعترضت خلالها على حذف اسمها من تتر المسلسل وطريقة معاملة ريهام حجاج لها خلال التصوير.

وقال سامح عبدالعزيز أن كل طاقم العمل، تم وضع أسماءهم في تتر نهاية المسلسل، وذلك نظرا لمحدودية الوقت بتتر البداية، مضيفا: "تتر البداية محكم بوقت معين"، وهو سبب عدم ظهور اسمها في بداية التتر.

ودافع المخرج عن ريهام حجاج ، قائلا أن الهجوم عليها غير مبرر، لأن العمل له مخرج وهو المسؤل عن كل جوانبه الفنية، ولا علاقة لريهام حجاج من قريب أو بعيد.

يذكر أن مسلسل "يوتيرن" يعرض على قنوات "cbc، الحياة، ON ومنصة watch it"، والعمل بطولة ريهام حجاج، الفنان الكبير توفيق عبد الحميد، عبير صبرى، كريم قاسم، محمود حجازي، أيمن قسيونى، صفاء الطوخى، محمود حجازى، نانسي صلاح، نورهان، عبير منير، وهلا السعيد وعدد آخر من الفنانين، والعمل تأليف أيمن سلامة، من إنتاج جمال العدل، وإخراج سامح عبد العزيز.