"ضحكوا عليا".. حسام البدري يكشف مفاجأة في شرطه الجزائي مع المنتخب

قال حسام البدري المدير الفني السابق للمنتخب الوطني، إن الشرط الجزائي لعقد التدريب الذي وقعه مع اتحاد الكرة، كان ينص على حصوله على راتب شهرين في حال الإقالة، موضحًا: "مضيت معاهم بحسن نية، لكن اكتشفت بعد كده إني أنا اللي هدفع الشهرين"، وذلك خلال لقاء مع الإعلامية بسمة وهبة، مقدمة برنامج "العرافة"، على قناة المحور.

لترد عليه الإعلامية بسمة وهبة، قائلة: "مش قادرة أصدق إن الجزار ممكن يضحك عليه". 

وواصل البدري: "وقعت بحسن نية، قرأت المسودة كانت مكتوبة زي ما اتفقنا، لكن في 3 نسخ من العقود، والنسخة اللي معايا مكتوب فيها إنهم لو مشوني هدفع شهرين".

وحول حصوله على 6 ملايين جنيه مقابل الفوز بـنقطتين، أوضح: "الكلام ده غلط، لأن الضرائب 25%، عيب إبراهيم فايق يقول كده، ده مش كلام للمصلحة العامة وقضية بتتناقش، دي مصلحة شخصية، كيروش كان بياخد بكم؟! وأخر مرتب ليّ في الأهلي كان 600  ألف جنيه بعد الضرائب".