البدري لخالد الغندور: عمري ما أرفض أعمل معاه مداخلة عشان زملكاوي

ردّ حسام البدري المدير الفني الأسبق للمنتخب الوطني، على خالد الغندور، بعدما قال في أحد البرامج التلفزيونية التي يقدمها أن البدري رفض إجراء مداخلة هاتفية معه، وقال: "مين خالد الغندور ده".

وأضاف البدري في الجزء الثاني من حواره مع الإعلامية بسمة وهبة، ببرنامج العرافة، على قناة المحور: "ده مش أسلوبي، ممكن أقول معملش مداخلة في الوقت ده لحسابات واعتبارات، ممكن متكلمش كتير لما أكون مسؤول عن منتخب، ولازم الكلام يبقى قليل، مش حسام البدري يعمل كده".

وتابع: "عمري ما أرفض أعمل معاه مكالمة عشان زملكاوي وأنا أهلاوي، ده مش أسلوبي، واللي وصل الكلام ده لخالد الغندور غلطان".