صابرين: "كريم وياسمين عبد العزيز لو عملوا فوازير هيكسروا الدنيا"

قالت الفنانة صابرين انا طقوسى السنة دى فى رمضان تقليدية ختم جزء القراءن و صلاة و التراويح، و علقنا الزينة و الفوانيس و المسحراتى بيجى عندنا ينده علينا اسم اسم، جاء ذلك خلال مداخلة هاتفية لبرنامج  اللمة تحلى الذي يذاع على شعبى اف ام، والحلقة من تقديم شيماء السباعي . 

و علقت علي المذيعة لمياء فهمى عبد الحميد فقالت لمياء من اكتر اصدقائى من ساعة لما جت تتفرج عليا فى الماريوت مع الحاج فهمى أول مرة، و علي فكرة بيتي هو البيت الوحيد اللي واقق والدها انها تبات فيه لانه كان بيحس اننا شبه بعض فهي تعتبر اختى اللى اهلى مخلفوهاش. 

وعلقت الحاج فهمى كان شديد ساعة الشدة وهو مربى لاننا ساعات كنا بندلع لاننا كنا صغيرين وانا هالة كان فيه بينا غيرة لذيذة، أما يحي الفخرانى دايما اقوله انت طفل كبير و كان بيزعقلنا لما يبقى فيه اخطاء، والحاج فهمى مجاش لا قبله ولا بعده فى المنطقة ديه بالذات . 

والعربية كانت فى الفوازير كانت حقيقية مش ماكيت، واختتمت قائلة عجبنى اووى اعلان كريم محمود عبد العزيز و ياسمين عبد العزيز و لو عملوا فوازير هيكسروا الدنيا لانهم اخف دمين و لذاذ جدا.