"ولا مرة دخلت في علاقة حب بجد".. تصريحات جريئة من سعد الصغير
الأحد 10/أبريل/2022 - 01:07 م
حل المطرب الشعبى سعد الصغير ضيف على راغدة شلهوب في برنامجها "سابع سما"، علي قناة النهار، وقال سعد العديد من التصريحات حول حياته الفنية والشخصية.
وتحدث عن علاقته الغرامية مع الراقصة شمس؛ أوضح سعد الصغير: كنت عيل صغير، مبهور بكل حاجة، ولكن اتفقت مع زوجتي إن الحاجات دي مش هتتكرر.
وأضاف سعد الصغير، خلال حواره: "الفنان محمود الليثي من أجدع الشخصيات التي تعاملت معها في الوسط الفني، متابعا في حديثه عن حمو بيكا: طيب "وغلبان وجدع".
كما تحدث كذلك، عن سبب خلافه مع عمر كمال، أوضح الصغير:"أنا اخوه الكبير ووقفت معاه كتير لكن اتضايقت لما قال على نفسه تاريخ ومحدش فينا تاريخ أنا دايما عايش في صراع بين الخير والشر جوايا"، موجهًا رسالة لعمر كمال: "تاريخ إيه حضرتك إحنا بنرقص في كباريهات، تاريخ إيه؟ المهندس لما يبني كعبة بيقول أنا بنيت كعبة، سعد الصغير تاريخه العنب العنب وبحبك يا حمار، عمر كمال عود البطل.. فين التاريخ؟".
كما يرصد موقع "مصر تايمز" أبرز تصريحات الحلقة، والتي جاءت كالأتي:
أنا متسرع في قراراتي وبمضي على أي شغل أفلام أو مسلسل أو برنامج من غير ما أقرأ وأوقات ألبس في الآخر.
ولا مرة دخلت في علاقة حب بجد.
زوجتي الأولى أم أولادي تعبت معايا وزعلتها، ممكن أبوس رجل أم عيالي وممكن أعيط لو سابتني.
أم أولادي لم تطلب الطلاق مني رغم زواجي بغيرها أكثر من مرة ووعدتها أن هذا لا يتكرر أبدا.
محمود الليثى الجدع وأخويا وعشرة عمري.
حكيم مدرستنا في الغناء.
عمر كمال أنا اخوه الكبير ووقفت معاه كتير لكن اتضايقت لما قال على نفسه تاريخ ومحدش فينا تاريخ.
دايما عايش في صراع بين الخير والشر جوايا.
حمو بيكا طيب وغلبان وجدع.
لو هقارن بين بيكا والليثي يفوز الأخير لانه أنجح وشارك في 10 أفلام.
