رضا عبد العال بعد تعيين إيهاب جلال مدرب لمنتخب مصر: "النهاردة يوم حزين للكرة المصري"
الثلاثاء 12/أبريل/2022 - 09:06 م
تحدث رضا عبد العال نجم الأهلي والزمالك السابق، حول اختيار إيهاب جلال مديراً فنياً لمنتخب مصر، خلفاً لكارلوس كيروش.
وقال رضا عبد العال في فيديو نشره على صفحته الرسمية بموقع التواصل الإجتماعي "فيس بوك": "يوم حزين للكرة المصرية الجماهير النهاردة اتصدمت أكتر ما خسرنا نهائي أمم أفريقيا وأكتر من عدم التأهل لكأس العالم"
وأضاف: " حازم إمام ومحمد بركات أنا عارف أنهم مكنوش موافقين، بس لازم يكون ليهم موقف لو مش موافقين كانوا يقدموا استقالتهم يا أما جايين ياكلو عيش".
وأكمل: " بناء على أي قرار يتم اختيار إيهاب جلال، ليه مجاش حسام حسن أو حسن شحاتة كان هو رقم واحد بس الحجة دايماً بيتقال أنو كبير، وكيروش كان أصغر منو بسنتين بس".
وزاد: " حسام حسن لو جيه كان هيبقى أفضل على الأقل لعب دولي واسم كبير، وهما الأتنين زي بعض في الدوري بقالهم عشر سنين مححقوش بطولة، بس حسام كورته أفضل".
وأردف: " أنتو بتكافئو إيهاب جلال عشان خسر من الأهلي والزمالك، اتهزم 3 مع الرأفة في المبارتين، لو كسب كنا قولنا ماشي".
