تستكمل النيابة التحقيق بواقعة تعدي 6 سيدات على فتاة قاصر بالتجمع الثالث

بدأت الواقعة بمشادة كلامية أنتهت بتعدي 3 سيدات على الفتاة "عنود" بأسلحة بيضاء "مطاوى" وأسفر ذلك عن إصاباتها إصابات بالغة وهي 50 غرزة في الضهر وذراعيها ١٧ غرزة و4 غرز بشرايينها.  

وروت "سما" صديقة الفتاة الواقعة وقالت: " دي مش صحبتي بس دي أكتر من أختي.. أسمها عنود كانت ماشيه هي وبنت صحبتنا تانيه وحصل مشكله صغيرة مابينها وبين بنت أسمها چنا و الموضوع عدا".

وتابعت: " فاجأه عنود لقت خالتها بتتصل بيها بتقولها تعالى في في التجمع الثالث، نفس المكان اللي عنود والبنت دي حصل بينهم المشكله التافهه اللي متستحقش أي حاجه من الحاجات دي".

وأضافت: "عنود راحت لخالتها وهناك كان معاها أخوات عنود الاتنين وخطيبها وسابتهم و نزلت تجيب حاجة من السوبرماركت طلعت لقت ناس واقفين معاهم وجريت تشوف في ايه لقت مامت چنا واتنين كمان وچني واختها و بنت محجبه كمان وقفين و بيقولوا لخالة عنود أحنا عايزين عنوانها  يا رقم مامتها ".

واستكملت : "خالتها كلمت عنود تيجي ..أول ما راحت داخله بتقول لمامت چنا حضرتك يا طنط و لسه مكملتش الجمله راحوا عملوا فيها كده ..و قصاد كل ده بيقولوا ان دي خرابيش !! ضهر عنود واخد 50  غرزه و دراعها واخد 17 غرزه و عند شراينها 4  غرز  اقنعوني ازاي دي خرابيش يعني كله علي بعده 71 غرزه ازاي بنت عندها 16 سنه لسه معاشتش اي حاجه في سنها يحصل فيها كل ده ".