"اتشتمنا أول ما وصلنا".. الحضري يكشف كواليس مباراة السنغال
الأحد 17/أبريل/2022 - 07:04 م
أكد عصام الحضري حارس مرمى الأهلي ومنتتخب مصر الأسبق ومدرب حراس مرمى المنتخب الوطني، أنه لم يتوقع ان يعيش الفريق أجواء مثل التي عاشها في السنغال ضمن التصفيات الأفريقية المؤهلة إلى كأس العالم في قطر.
وأضاف الحضري، خلال حلقة اليوم من برنامج "العرافة"، على قناة المحور، من تقديم الإعلامية بسمة وهبة: "مكناش متوقعين إن الأجواء تبقى بالطريقة دي، كلاعبين ومسؤولين وجهاز فني مكناش متوقعين إننا نشوف اللي شفناه ده من أول ما دخلنا المطار".
وتابع مدرب حراس مرمى المنتخب الوطني: "أول ما وصلنا البلد اتشتمنا شتايم مش كويسة بالفرنساوي، متوقعناش إنهم يستقبلونا كده، لأننا استقبلناهم كويس في مصر، لكن ده محصلناش هناك، رحنا الماتش من فندق الإقامة للملعب في ساعتين، وده عمره ما حصل، رحنا قبل الماتش بساعة .. طب نسخن امتى؟! أنا لعبت في أفريقيا كتير، بس اللي شفته في السنغال مش كده".
