عمرو أديب: مرسي كان " بصمجي" وخيرت الشاطر كان عامل زى "الكارتة" الكل لازم يعدى عليه
الإثنين 18/أبريل/2022 - 11:39 م
قال الإعلامي عمرو أديب، أن محمد مرسي كان "بصمجي" وخيرت الشاطر كان يدير الدنيا محدش كان يعرف يدخل مصر ساعة الإخوان غير لما يعدى على خيرت الشاطر كان "كارتة"، متابعا،" جه وقت خيرت الشاطر ومرسي كان بيغيروا من بعض غيرة شديدة.. هو اسم الاستبن جه لمرسي ازاى.. كان خيرت الشاطر كان هيبقي اول رئيس منتخب لمصر بس حصل فى الأمور أمور فا جه مرسي بالصدفة".
كشف الإعلامي عمرو أديب عن رأي محمد البلتاجي فى محمد مرسي قائلا" قالي أنا مرسي ده ماينفعش رئيس ده صدق نفسه .. أقسم بالله قالي أنا وسط شهود وهما كلهم عارفين أن مرسي كان مجرد واجهة رمز لم يكن يعرف شئ وليس لديه قدر من القيادة.. ده كان ساذج الله يرحمه بقا".
وتابع فى برنامجه " الحكاية" على قناة mbc مصر"، محدش فيكم فكر هما وقعوا بسرعة ليه.. علشان هما خونة فى بعضهم وأنا بعيني شايف واحد منهك يوم الثورة وهو شايل بدلته وبيلف على الفضائيات وهو واحد مهم.. خونة كانوا بيخونوا بعض ولم يكن لها لا شرف ولا كرامة".
