ميمي جمال عن وفاة حسن مصطفى: "روحه طلعت قدام عيني وطارت حواليا وصعدت للسما"
الثلاثاء 19/أبريل/2022 - 11:39 م
قالت الفنانة القديرة ميمي جمال، أن وفاة زوجها الفنان الكبير حسن مصطفي كسر ضهرها وجرحها جرح مؤلم، مؤكده ارتباطهم ببعضهم روحيا أكبر من ارتباط الزواج بكتير.
وقالت ميمي جمال مع الإعلامي أحمد الخطيب فى برنامج " كلم ربنا على الراديو 9090"، "زوجي ابو بناتي مات علي إيديا جوا المستشفى.. روحه طلعت قدام عيني وطارت حواليا وصعدت للسما من شباك الحجرة.. دا الاحساس اللى وصلني ساعتها ومن اليوم دا وأنا حاسه إن روحي معاه مش معايا في المستشفي وفي وسط الحيرة دي بعد روحه ما طلعت وقفت علي شباك الغرفة اللي مات فيها وبصيت للسما كلمت ربنا وقلتله "ده حبيب حياتي أنا مجروحة من بعد رحيله.. داويني وساعدني واقف معايا علشان بناتي".
وتابعت "تربيت على الكلام مع ربنا من طفولتي.. كنت بشوف جدتي بتكلم ربنا في أوضتها بالليل، ولما كنت أسألها: بتكلمي مين؟ كانت بتقولي بكلم ربنا!
أمي برضه ماتت وسابتني.. ووفاتها ذبحتني.. كانت صديقتي وأم بناتي وحياتي.. مكنتش عارفة الدنيا هتمشي ازاي بدونها.. ساعتها جريت بدموعي وقلبي الموجوع أكلم ربنا واترجاه يلهمني الصبر ويعرفني إزاي أمشي طريقي وأرتب حياتي".
