"كنت بنصحهم".. اعتراف المتهمة بالتعدى على فتيات بالمترو بسبب ملابسهم

وأوضحت إنه بالفحص تم تحديد وضبط مرتكبة الواقعة وتبين أنها (ربة منزل – لها معلومات جنائية - مقيمة بدائرة قسم شرطة دار السلام بالقاهرة)، وبمواجهتها أقرت بتوبيخ الفتاتين خلال نصح إحداهن على إرتداء ملابسها بطريقة محتشمة وتم إتخاذ الإجراءات القانونية حيالها.

وكانت "جني محمد" ضحية تعدي سيدة عليها بالضرب أثناء تواجدها بالمترو بصحبة أصدقائها وقامت الأولى بالتعدي عليها بألفاظ خادشة للحياء وإهانة إحدي صديقات "جني" معلقة على ملابسها قائلة: "أحنا في رمضان يا فاجرة".

وقالت "جني" في تصريحات خاصة لـ"مصر تايمز": أنا كنت أنا وصحابي في المترو رايحين اتجاه المعادي والمترو عربة سيدات مافيش أى رجالة معانا..وفاجأة لقينا الست دي بتشتم صحبتي".

وتابعت: "الست مره واحده لقيناها بتقولها أنتي فاجرة والرجالة هتنهش في لحمك ويوم القيامة ربنا هيولع فيكي..الناس في المترو فضلت تحوش وقالولها خليكي في حالك".

وأضافت: "كل الناس كانت معايا أنا وصحابي وهي كل ال طالع عليها أنا معايا قدك وضربتني وطيرت الموبايل من أيدي عشان بصورها".

واستكملت: "أنا عايزة حقنا عشان متعملش كدا تاني مع ناس غيرنا..أنا كنت بكلمها لقيتها شتمتني ألفاظ قذرة وقلعتلي الشبشب من رجليها وعايزة تضربني بيه".