مرتضى منصور: " مش خايف من الحبس لأني مخدتش ساعات ولا ملايين من تركي ال الشيخ"

تحدث مرتضى منصور رئيس نادي الزمالك، حول حكم حبسه الذي صدر اليوم بقضية سب وقذف محمود الخطيب رئيس النادي الأهلي.

وقال مرتضى منصور خلال فيديو نشره على صفحته الرسمية: " معنديش أي تعليق على حكم أي قاضي، وربنا اللي بيحاسب مش أنا"

وأضاف: " المحكمة بتتشتم بقالها شهر عشان حكمتلي كذا حكم ضد الخطيب، ليس من سلطتي التعليق على أحكام القضاء، وراضي بأي حاجة".

وأكمل: " اللي مطمني حاجة واحدة أني مخدتش ساعات من حد، ولا خدت 263 مليون من تركي الشيخ وقدم بيهم بلاغات للنائب العام"

وأشار: " اللي مخدش هو اللي بيتحبس، واللي خد فلوس وساعات وحواليه مجموعة كلها أخوان، قاعد في البيت، الحكم أول درجة هندفع الكفالة، ونعمل إستئناف ومافيش أي مشكلة، ومليش أي تعقيب على قرار القاضي".

وأردف: " أنا بحترم القانون ومش ههاجم قضاء بلدي، وهاخد حقي بالقانون بردو، وهرد في مؤتمر صحفي بعد العيد، وسقطوني في مجلس الشعب بالتزوير، وبعديها طردوني من النادي، لكن القضاء العظيم رجعني مرة أخرى".

وزاد: " مرتضى منصور محبينه بالملايين، ومش خايف من أي حاجة لأني مسرقتش ولا باخد أوامر من علاء صادق الهربان في قطر، وعندي ثقة في الله، وهعتبر اللي حصل دا اختبار من ربنا، وأنا مش زعلان حتى لو اتحبست".

وأختتم قائلاً: " أنا حزين بسبب اللي بيحصل معايا من 2020، حزني علي بلدي ووطني، الناس بقوا شمتانين فينا بره، لكن بلدي ولازم اتحملها".