سيد على: فى المناطق الشعبية بيجهزوا البنت بـ100 ملاية سرير و300 فوطة
الإثنين 02/مايو/2022 - 01:42 ص
انتقد الإعلامى سيد على طريقة تجهيز العرائس فى بعض المناطق الشعبية مما يؤدى لوجود غارمين وغارمات قائلا " فى مناطق بتجهز العروسة بـ100 ملاية سرير و300 فوطة وبوتجازين .. فا الناس بتستلف وتمد إيديها علشان تجيب الحاجات دى وبعدين يدخلوا السجون ونقول الغارمين والغارمات فا على قد لحافك مد رجليك.. أنا شخصيا اتجوزت ومكنش عندى أجهزة كهربائية".
وتابع فى برنامجه حضرة المواطن ، قائلا " وبعدين نقعد نلم علشان نطلع الغارمين والغارمات هو ده معقول .. الترشيد يا جماعة .. كل ما الواحد يكون داخل يتجوز ونيته سليمة ربنا بيسهل الأمور البيوت بتقوم على الستر والقناعة مش على الـ100 ملايه سرير وفوطة.. ده مش جواز ده تذكرة للسجن .. عيشوا على قدكم".
