صياد عائد من اليمن:"مكناش مصدقين اننا راجعين.. و قلبنا جمد لما عرفنا ان والدنا السيسي مش سايبنا" (فيديو)

أجرى "مصر تايمز" بثًا مباشرًا مع علي نصر، أحد صيادي محافظة كفر الشيخ الذين تم تحريرهم من اليمن، وروى كواليس احتجازه قائلاً: " المركب دخلت المياه الإقليمية اليمنية وعطلت بينا في البحر لمدة 5 أيام، وتم القبض علينا وأخذنا حكم بالحبس لمدة 6 شهور، قلنا وقتها إننا مش هنشوف بلدنا تاني وهنضيع، بس الحمدلله ريسنا مش سايبنا وفي ظهرنا على دماغي من فوق وهو أب لينا كلنا".

وعن طبيعة معاملتهم في اليمن قال:" أول ما تم القبض علينا كانوا يعاملونا بعنف لأننا بالنسبالهم مذنبين، ولكن بعد ما عرفوا إننا مصريين بقوا يعاملونا معاملة تانية خالص".

وعن متابعة الرئيس عبدالفتاح السيسي للموقف وتوجيهاته بسرعة إنهاء أزمة البحارة وإعادتهم للوطن قال: " لما بلغونا إن الرئيس عبدالفتاح السيسي متابع الموقف بنفسه، كنا فرحانين جدًا، وقلبنا بقى جامد علشان أبونا واقف جمبنا، مكناش مصدقين اننا هنرجع بلدنا وهنعيد مع أهلنا بعد ما اتحكم علينا بـ 6 شهور حبس، وكل ده بفضل الريس، وأنا أشكره شكر مش عارف اوصله وأعبر عنه، وده الطبيعي من الأب تجاه أولاده".

وعن رد فعل والدته وأبناءه عندما علموا بأنه على قيد الحياة علق قائلاً: "أول حد اتقلت بيه لما عرفت إن الرئيس اتدخل، هي والدتي وقلت لها انا هرجع على العيد الحمدلله سيادة الريس مش سايبنا، وعيالي وزوجي كانوا بيعيطوا و مكانوش مصدقين إني لسة عايش وهرجع بالسهولة دي، إحنا كنا ميتين والرئيس رجع لينا الحياة من جديد بمساعدته لينا".

والجدير بالذكر، أن البحارة المصريين الـ 20 الذين تم تأمين الإفراج عنه باليمن، وصلوا إلى أرض الوطن، بعدما جرى تأمين عودتهم إلى البلاد بتوجيهات رئاسية، وكانت التوجيهات الرئاسية للجهات المعنية ركزت على سرعة إنهاء أزمة البحارة المصريين باليمن وإعادتهم للوطن سالمين.

وفور عودتهم إلى البلاد توجه البحارة بالشكر إلى الرئيس عبد الفتاح السيسى، وأكدوا أنهم كانوا على ثقة كاملة بقدرة الدولة المصرية تحت قيادة الرئيس السيسى على إنهاء أزمتهم.