مرتضى منصور: مش هلعب على ستاد القاهرة تاني.. اللاعيبة مش شايفة قدامها

وقال مرتضى منصور في تصريحات تلفزيونية، "الزمالك لن يلعب مجدداً في ستاد القاهرة، ده كلام نهائي لا رجعة فيه، نفسي اعرف ايه اللي بيحصل هناك، مكسبناش ولا ماتش من شهر مارس اللي فات، الكرة بترتطم بالعارضة وكل لاعب بيتحرك بيقع".

وأضاف، "مفيش أي عقوبات على اللاعبين بعد الهزيمة أمام إنبي اللاعيبة مش شافية قدامها هناك، اللاعيبية اعتذرولي وهما في أوضة اللبس، لكني قولتلهم اعتذروا للجماهير".

وتابع، "في لاعيبة لما عرفت إن في حكم ضدي بسنتين سجن طلبت عقودها، أنا بحذر الموضوع في منتهى الخطورة احنا داخلين في جحيم، أنا مش فوق القانون واحترامي للأحكام لا حدود لها، عندما تكون هناك واقعتان أحصل فيهما على براءة، وفي الاستئناف يكون الحكم بسنتين سجن، نفترض أنه قد تم تأييد الحكم، من سيكون رئيس النادي حينها؟".

واختتم، "نفسي حلمي طولان لما يواجه الأهلي يلعب بنفس الطريقة ونفس الحماس، لو إنبي لعب بنفس الطريقة ضد الأهلي سيحصل على الدوري".