لقمة عيش حسن بعجلته.. خريج تجارة وبيعمل أجمل شاي وقهوة على الفحم في إسكندرية كلها.. تعالوا نعرف حكايته (فيديو)

يستقل "حسن حبيب" دراجته يوميًا، ليقف أمام أجمل منظر جمالي في محافظته باكلمها، ألا وهو كورنيش الإسكندرية، ليقدم مشروبات ساخنة بطريقة فريدة من نوعها سعيًا لرزقه، حسن شاب تخرج في كلية التجارة، ولم يشغل باله بالعمل بشهادته، بل خلق لنفسه فرصة عمل مختلفة وبطريقة مميزة، زين "حسن" دراجته بالأضواء وباللافتات التي تتضمن جمل تحفيزية لتجعل دراجته مميزة ومبهجة، وقام بشراء جميع المعدات التي تعينه على تنفيذ فكرته وهي تقديم المشروبات الساخنة للمارة على الكورنيش، ولكنه إبتكر طريقة جديدة وهي عمل المشروبات "على الفحم".

وشرح "حسن" لكاميرا "مصر تايمز" خلال البث المباشر تفاصيل فكرته وكيف بدأ في تنفيذها: " أي بني آدم علشان يبدأ فكرة أو شغل محتاج عزيمة وإرادة داخلية تحركه، وأنا هوايتي ركوب العجل، وكان عندي عجلتين فقررت إن أنا أشتغل على واحدة فيهم، بدأت أفكر وأشوف إزاي هشتغل على العجلة، ابتديت اشتري كل الحاجات اللازمة اللي هتساعدني في شغلي وإني أحول العجلة لمطبخ صغير أقدر أقدم منه المشروبات".

وقال "حسن" لكاميرا "مصر تايمز" إنه يهتم بتجديد الأطعمة وإبتكار أطعمة جديدة للقهوة حتى يحافظ على عملاءه، ولجذب عملاء جدد: " لازم أجدد وأبتكر في الأطعمة ماينفعش أفضل ثابت على اللي انا فيه، التجديد مطلوب لازم أفكر برة الصندوق، وكل يوم لما بروح بقعد أفكر هل في عميل طلب حاجة مختلفة؟ هل في عميل طلب حاجة مش عندي؟ طب ليه أنا ماقدمش مكونات هو مايعرفهاش؟ وأنا قبل ما بطلع الحاجة للعملاء بجربها الأول لو طعمها طلع كويس بنزل على الصفحة بتاعتي على الفيسبوك وبقول أنا عندي مشروب جديد فالعميل بييجي يسأل عليه ويبدأ يجربه، وأنا مش هقف على العجلة وبسن لازم أكبرها وأطورها لحد ما يبقى عندي بدل الكافيه اتنين وتلاتة".