"أمهات مصر" يكشفن كيفية إستفادة أبنائهن من إجازة نهاية العام
الإثنين 30/مايو/2022 - 01:32 م
في محاولة منها للإستفادة من الإجازة، وجهت عبير أحمد، مؤسس إتحاد أمهات مصر للنهوض بالتعليم، وائتلاف أولياء أمور المدارس الخاصة، سؤالا لأولياء الأمور، قائله: "أولياء أمور الطلاب اللي خلصوا إمتحانات وبدأوا الإجازة.. هتقضوها وتستفيدوا منها إزاي؟.. خلونا نفيد بعض".
وتفاعل أولياء الأمور علي صفحة إتحاد أمهات مصر، في الفيسبوك، حيث قالت ولي أمر: "أولا كل سنة وحضرتك بألف خير وسعادة، الحمد خلصنا ونجحنا بإمتياز كمان بنتي في الصف السادس الإبتدائى تجريبي لغات، اشتركت لها في كاراتية وكرة سله وكورس انجلش وقرآن وربنا يعينا ونقدر نكمل علشان الولاد مش عايزين يبقوا مقيدين".
وأضافت ولي أمر أخري: "اشتركت لإبني في كره قدم ولسه عاوز يروح جيم وقدمت علي كورس انجلش وامتحن تحديد المستوي ولسه هيحددوا مواعيد حسب مجموعته، وكده نكون بنحاول نستفيد من الوقت إن شاء الله".
"إن شاء الله هنبدأ بعد الثانوية العامة لأن لسه بنتى عندها إمتحانات وهى بتتدرب كاراتية إن شاء الله تخلص وتكمل، وبنتى التانية بتعزف بيانو وهتبتدى الأسبوع الجاي"، تستكمل ولي أمر أخري: "أولا كل عام وأنتم بخير وصحه وسعاده، الحمد لله خلصنا ونجحنا وهنكمل في لعبه الكونغ فو".
