بهاء الدين محمد يهاجم شيرين : "ما شفتش حد بيحارب نفسه كده"

أثارت الفنانة شيرين عبد لوهاب غضب الشاعر بهاء الدين محمد بعد أن ردت على سؤال أحد متابعيها بندمها على أغنية "ماتجرحنيش" للشاعر بهاء الدين محمد.

أثار تصريح شيرين غصب بهاء ليرد عليها عبر صفحته الشخصية على الفيسبوك كاتبا: "مش متعود أرد على أى حد ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد ف كل كارثة يدافع عنها".

أوضح : "وحأتكلم بإختصار جدا : "المشهد الأول :  ..أول يوم دخلت شيرين عبدالوهاب مكتبى كانت مع الأستاذ نصر حروس اللى هو صاحب الفضل ف تقديمها وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء !!! والمشهد الثانى : رشحتها تغنى كتير بنعشق ولولا موافقة نصر إحتراما للعشرة اللى بنا ماكانتش ح تغنيها لأنها كانت موقوفه من النقابة".

وتابع بهاء: "المشهد الثالث .. لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطة زى دى !!! لأن المشهد ده مش لايق على المشهد الأول. المشهد الرابع والأخير : أغنية  ماتجرحنيش أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش ح يتم اللقاء . ، وماتجرحنيش من أهم أعمالى ومن حقى أدافع عنها نتاج تهور اللى غنيتها " .

واختتم بهاء الدين: "كمان لأول مرة الاقى حد بيحارب نَفسه وبيغلط ف مبدعين إشتركوا ف صناعته !!! .. وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تانى وأنتى بتكبرى بس مش ح تعدى حدود حجم بعض الأسماء ولا أعمالهم".